ကဗျာမမှီ

စိမ်းမြနဒီ ငါ့နှလုံးသား
မင်းရနံ့နဲ့ မင်းအပါးမှာ
ပွင့်လန်းပါရစေ။

နိယာမတွေ ရှင်းထုတ်
သဘာဝနဲ့ မင်းရင်ထဲမှာ
ပန်းစိုက် ဥယျာဉ်မှူးဖြစ်ပါရစေ။

ဘ၀တစ်ဆစ်ချိုးမှာ
အလှသစ်တိုးအောင်
မင်းမျက်နှာလေးကို နှလုံးသား
အိပ်ဆောင်ထဲထည့် နုပျိုဆေးအဖြစ်
ထာဝရချိတ်ဆွဲ ပါရစေ။

ကဲ...ကြာပါတယ်ကွာ
အဖြူရောင်ကိုခေါက်ထား
တာအထွက်မှာ လီဘာခပ်ပါးပါးပုတ်ရင်း
နေကာမျက်မှန်ကိုယ်စီတပ်
ကြည်လင်ရောင်ပေါ်
သုညတစ်လုံးစီကိုင်ရင်း
၁၅ ဂဏန်းရေးဆွဲကြရအောင်။

အမှားသီအိုရမ်

သူမအတွက် ခင်းကျင်းတဲ့
ဖန်တစီရှိုးပွဲမှာ ကျွန်တော့်ကဗျာတချို့
ကိုယ့်ကိုကိုယ် ဆွဲကြိုးချပြရတယ်။

ရိုင်ဖယ်တစ်လက်ဆန်ဆန်ငါ့နှလုံးသား
မင်း...ဇာတ်သော့လာခတ်ထားပါ
စရိတ်သုံးကျဉ်ဆန်တွေနဲ့ပဲ
စာမတတ်တဲ့ ချာတိတ်တစ်ယောက်မျက်ဝန်းနဲ့
မင်းပတ်ဝန်းကျင်ကို ငါအလေးပြုပါ့မယ်။

ကျွန်တော့်ချစ်ခြင်းမှာ အလွမ်း
ကိုးဆယ်ရာခိုင်နှုန်းနဲ့စပြီး ပီတိ
တစ် ရာခိုင်နှုန်းနဲ့ အဆုံးသတ်စမြဲပါ။

ကျွန်တော်စာရေးတိုင်း
ကောင်မလေးမျက်လုံး ဖွင့်တတ်ပေမယ့်
ကျွန်တော့်နှလုံးသားဖွင့်တိုင်း
ကောင်မလေး စာမဖတ်တတ်ဘူး။

စာရွက်ပေါ်မှာ စကားလုံးတွေနဲ့
အရေးသားတွေဘယ်လောက်ပဲ ပြောင်မြောက်နေပါစေ
မိန်းမတစ်ယောက်နဲ့ မျက်နှာချင်းဆိုင်တဲ့အခါ
ကျွန်တော်တို့ဟာ စာလုံးတောင်မပေါင်းတတ်တဲ့
အညံ့ဆုံးစာဖတ်သူတွေပါ။

နေ့နဲ့ညကို မှားယွင်းစွာစားသုံးမိတဲ့အခါ
အိပ်စက်ခြင်းဆိုတာ ငတ်မွတ်မှုဘောင်ထဲဝင်သွားတယ်
အချစ်ကိုအလွန်အကျွံပေးဆပ်မိတဲ့အခါ
သီအိုရမ်ဆိုတာ မှားယွင်းစွာလွဲချော်သွားတယ်။

မမှားဘူး.....ငါ မ မှား ဘူး
(အချစ်အတွက် မမှားတဲ့လမ်းပေါ်ကိုယ့်ကိုကိုယ်ပြန်မှားလို့)
ဘာပဲဖြစ်ဖြစ်ပေါ့...

အို......လမင်းငယ်
မင်း အလင်းရောင်တွေဖြာကျဖို့
ငါ့ကောင်းကင်ကို အတတ်နိုင်ဆုံးအမှောင်ချ
တိမ်မည်းတွေ ကင်းစင်ထားပါ့မယ်။

ချို့ယွင်းချက်

ရောင်စုံတွေတွဲလွဲ ကျနေတဲ့ညကို
မျက်ဝန်းထဲထည့်ပြီး ခြုံငုံကြည့်ပါတယ်
အစဉ်လာကို ဆက်လက်ထိန်းသိမ်းတဲ့အနေနဲ့
မဲမှောင်ခြင်းတွေပဲ မိုးချုပ်ပြတယ်။

နွေးထွေးတဲ့မျှော်လင့်ချက်တွေကို
သူမရဲ့ ဖိနပ်တစ်ဖက်ထဲထည့်ပြီး
လွတ်လပ်စွာ စိတ်ကူးယဉ်ကြည့်ဖူးပါတယ်
ဘေးကြပ်နံကြပ် ပူလောင်ခြင်းတွေပဲကြွင်းတယ်။

သင်းပျံ့တယ်လို့ ခံယူထားတဲ့ ရနံ့တွေကို
ရင်ဘတ်ထဲထည့်ပြီး ဖူးငုံဖို့ ကြိုးစားကြည့်ပါတယ်
သူဌေးတစ်ယောက်ရဲ့ လက်ကမ်းနဲ့
မိစိမ်းကား အညော်ဓါတ်တွေပဲ ပေးကမ်းစွန့်ကျဲတယ်။

အဲ့မျက်ဝန်းစိုစိုလေးတွေကို
အလှဆုံးပန်းချီကားအဖြစ် စာရွက်ပေါ်ချရေးပုံဖော်ကြည့်တယ်
မျက်ကန်းတစ်ယောက်ရဲ့ ရင်ခုန်သံနဲ့
ငါ့စာရွက်တွေပေါ်ဖြတ်လျှောက်သွားတယ်။

ဖန်တီးပေးမျှ
စွံအ နားမကြား အရသာမခံတတ်တဲ့ ကာရိုက်တာတွေနဲ့
တုံ့ပြန်ခံရဖန်များတော့ အချစ်နဲ့ ငါ့နှလုံးသားကြားမှာ
စွံအတဲ့ အငြင်းပွားမှုတွေများလာတယ်။

ကြာလာတော့ ငါ့နှလုံးသား
ရိုးရိုးလေးနဲ့ အဓိပ္ပာယ်တွေမဲ့လာတယ်။

နောက်တော့....
အဆိပ်ကို အဆိပ်နဲ့ဖြေသလို
ငါ့နှလုံးသားကို ကြေကွဲမှုနဲ့သာ
အထီးကျန်ပစ်လိုက်တော့တယ်.

ဒါမှမဟုတ်ရင်သူက အနေထိုင်မတတ်တဲ့
ကြေကွဲသူဖြစ်သွားလိမ့်မယ်........။