နှင်းတွေနဲ့ စိုစွက်အေးစက်နေတဲ့
ဆောင်းရာသီလို နတ်ဆိုးတစ်ကောင်က
ငါ့ကို ဖိတ်ခေါ်တယ်..........
နွေခေါင်ခေါင်က သစ္စာရဲ့ဘက်တော်သားငနဲက
အပူပြင်းဆုံး စံတော်ချိန်မှာ လာတိုက်ခတ်တဲ့
လေပြေးအေးတွေနဲ့ အတူပြန်အမ်းဖြစ်တယ်။
တချိန်လုံး ပူပြင်းလာခဲ့တဲ့ သူ့ရာသီတွေကို
ဇာတ်သိမ်းခန်းရောက်ခါနီးမှ
အေးစက်စက်ရာသီအသေတွေနဲ့တော့ လက်နက်မချချင်ဘူး။
သြော်.....ဟိုမှာ
ငါ့မြေပြင်တွေတောင် ပက်ကြားအပ်နေပြီ
အသက်ရှူဖို့ စမ်းချောင်းလေးတောင်
လက်တစ်ခုပ်စာပဲကျန်တယ်
အဲ့ဒါဒီညအတွက် နောက်ဆုံးလက်ကျန်အလွမ်းဖြေ
မနေ့ကအဖြစ်ပျက်အတွက် ဒီနေ့ငါတောင်းပန်တယ်
ငါထွက်သွားတော့မယ့် မနက်ဖြန်အတွက်
ဒီနေ့ နင့်ဆီကနှုတ်ဆက်စကား ငါကြားချင်တယ်
အဲ့ဒါ ငါတချိန်လုံး ပူလောင်ပြီး စောင့်နေခဲ့ရတဲ့
ရင်ဝှက်ပန်းတစ်ပွင့်ပါ။
ဘာမှာစရာရှိသေးလည်း
မင်းမှာချင်တာမှာလို့ရအောင်
မဖြည့်ပဲ ပြည့်နေတဲ့ ငါ့တံခါးကို ခပ်ဟဟလေးစေ့ထားပေးမယ်
ဒီည သန်းခေါင်မတိုင်ခင်တော့ရောက်အောင်ပို့ပေါ့။
ဒါနဲ့....မင်းရဲ့အနားမှာ တချိန်လုံးဒဏ်ရာရနေခဲ့တဲ့
ကျူးပစ်တစ်ကောင်ကိုတော့ မင်းကိုယ်တိုင်ပဲ
အဲ့နွေရာသီရဲ့ ပူလောင်မှုတစ်ခုနဲ့ အတူမြေမြုပ်ပစ်လိုက်ပါ။
မင်းရဲ့မနက်ဖြန်တွေမှာ မင်းရင်ထဲက
နွေရာသီအပိုင်းစလေးတစ်ခုဟာ
မိစ္ဆာတစ်ကောင်နဲ့ အတူ
မင်းနဲ့အဝေးဆုံးမှာ လွင့်စင်တော့မှာ
အဲ့တော့ ဒီညမင်းအားရပါးရ ရယ်မောပါ။
မနက်ဖြန်မှာတော့ မင်း
မ လွမ်း ဖြစ် အောင် နေ ပေး ပါ။
