လ၀န်းလေး

လ၀န်းလေးပေါ့
ကျွန်တော့်ဒဏ်ရာတွေကို ဆေးထည့်ပေးသူ။

လ၀န်းလေးပေါ့
အပြုံးတွေဖတ်ပြီး ညအိပ်ရာဝင်စေခဲ့သူ။

လ၀န်းလေးပေါ့
သူ့လက်ဖ၀ါးတွေနဲ့ ကျွန်တော့်နှလုံးသားထီးဆောင်းပေးသူ။

လ၀န်းလေးပေါ့
ခမ်းခြောက်နေတဲ့ ကျွန်တော့်ကဗျာတွေကို ရေတိုက်ကျွေးသူ။

လ၀န်းလေးပေါ့
အထီးကျန်မှော်ရုံတွေကို ခုတ်ရှင်းပေးသူ။

လ၀န်းလေးပေါ့
မှိုတက်လုရင်ဘတ်ကို ပေါလစ်တင်ပေးသူ။

လ၀န်းလေးပေါ့
နားလည်မှုကို စာလုံးပေါင်းတတ်သူ။

လ၀န်းလေးပေါ့
Alcohol တံဆိပ်ကပ်တွေနဲ့ ဖက်ရန်မဖြစ်တတ်သူ။

တလောကလုံးက မှောင်နေတယ်လို့မြင်ရင်တောင်
ကျွန်တော့်အတွက် အလင်းရောင်တွေအကြောင်း သင်ကြားပေးသူ။

vzo ကသူ့မျက်နှာတောင် လူတွေရဲ့ ဘကုန်းရယ်သရယ်ရကောက်ရယ်
ပေါင်းစပ်ထားခြင်းထက်ပို အဓိပ္ပာယ်တွေ လျှံထွက်နေတဲ့သူ။

လ၀န်းလေးပေါ့
စကားလုံးငှက်တစ်ကောင်ရဲ့ ရိုးသားစွာပျံသန်းခြင်းကို
ရှာဖွေတွေ့ရှိစေခဲ့သူ။

လ၀န်းလေးပေါ့
ကိုယ့်ကိုယ်ကို မကောင်းဘူးပြောပြောပြီး
ကျွန်တော့်ရင်ခုန်သံတွေကို သယ်သယ်သွားတာ။

လ၀န်းလေးပေါ့
ကျွန်တော့်ရင်ဘတ်ထဲက ရပ်ကွက်ရုံးမှာ မိုက်တစ်လုံးနဲ့
ရင်တွင်းရပ်ကွက်တစ်ရပ်ကွက်လုံးကြားအောင် ချစ်တယ်လို့အော်ပြောနေတာ။

လ၀န်းလေးပေါ့
ရွှေရောင်၊ ငွေရောင်သန်းနေတဲ့ လက်တွေကိုရှောင်
ကဗျာနံ့တွေစွန်းထင်းပြီး ပိန်လှီဖျော့တော့တဲ့ လက်ကိုလာဆွဲရဲသူ။

လ၀န်းလေးပေါ့
သချာင်္တွေမကျွမ်းကျင်ပေမယ့်
ကျွန်တော့်နှလုံးသားထဲက ဂဏန်းပေါင်းစက်တစ်လုံး။

လ၀န်းလေးပေါ့
လူ့ရောမခေတ်ပျက်ကြီးထဲမှာ လာရိုတ်ခတ်မယ့်လူ့ဘေးဒဏ်တွေကို
ကာကွယ်ဖို့ သူ့ရင်ခုန်သံတွေနဲ့ ဒိုင်းတစ်လက်သွန်းလုပ်ပေးသူ။

လ၀န်းလေးပေါ့
သူ့ဓါတ်ပုံလေးကြည့်ပြီး
ကျွန်တော့်ရင်ဘတ်ထဲကို လက်ပစ်ဗုံးတွေ တစ်လုံးပြီးတစ်လုံးကျဲသူ။

အဲ့ဒီ အစုတ်ပလုပ်မလေးပေါ့
ကျွန်တော့်ရဲ့ချစ်ခြင်းမှာ
ထာဝရ ဆိုတဲ့ဆိုင်းဘုတ်လာတပ်လိုက်တာ။  ။