မသေချာခြင်းရဲ့နောက်ကွယ်က
နေ့စွဲတစ်ခုက မျှော်လင့်ချက်တွေကို
တူးဖော်သွားခဲ့တယ် ......။
ရီဝေဆဲအသိဥာဏ်တို့က
မျိုချလိုက်တဲ့ အရည်နောက်သာ
တကောက်ကောက်လိုက်လို့။
အများသောက်ရေကုသိုလ်ဆိုတဲ့
ဆိုင်းဘုတ်က ငါ့ကိုတားမြစ်ထားတယ်
အခုတော့ အဲ့ချောင်တစ်ချောင်က
ရေအိုးစဉ်အဖုံးနဲ့ခွက်တွေက
ငါ့ကိုမျက်ရည်ဝဲပြနေရုံ။
အချိန်တန်အိမ်ပြန်နောက်ကျဆဲနောက်မှာ
ခြေသံတွေ ..... အသက်ရှူသံတွေ
ဂျိမ်းခနဲ တံခါးပိတ်သံနောက်က
ညည်းသံတစ်ခုရဲ့ ရနံ့ကိုပဲ
ရှူရှိုက်မိတာလား ......။
မွန်းကျပ်မှုနဲ့နိုးထပြီး
ဝိဥာဉ်ရဲ့အစာငတ်သီချင်း
လိုက်ဆိုဖြစ်တဲ့ ခဏ
စွတ်စိုမှုနဲ့နိုးထတော့
မြင်လိုက်ရတဲ့ အဲ့ဒီနှုတ်ခမ်း
တော်လောက်ပါပြီ
ဖျားယောင်းမှုတွေရယ်
လွင်ပြင်ဟောင်းကိုခ၀ါချ
လွင်ပြင်သစ်ရဲ့တံခါးတစ်ဖက်မှာပဲ
ငါ .... တိုးတိုးလေးငိုမယ်
အကျယ်လောင်ဆုံးရယ်မယ်။ ။
(ဒီနေရာနောက်ဆုံးအပိုဒ်မှာ ဆရာဝေမှူးသွင်ရဲ့စာသားနဲ့ ခပ်ဆင်ဆင်ပါ အဲ့စာသားကိုကြိုက်လို့ပါ ဆရာဝေမှူးသွင်များဖတ်မိခဲ့ရင် စိတ်မရှိပါနဲ့ ကျွန်တော်သိပ်ကြိုက်လို့ပါ)
No comments:
Post a Comment